La noge che

V'là t'y pas qu'y noge, ape qu'an est point en hivâ!
Din la bouêt' que cause, è sant tout émaillis. Y s'rô l' darnier je, qu'y s'rôt point pi.
E z'ant mém' envié in poûr jeunot journaleux poû fèr causer le Louis, in darnier coup d'vant l'Apocalypse. Si y'en a bin un qu's'èmaillôt point, y'è bin li! E berottôt ballement dè cuchots d'noge d'vant chu li. El avôt vu bin pi, l'angnian lavou qu'y'avôt fay-u creuilli in tunnel pou sotchi d'san huteau. Y' avôt dè vrés hivâs dans c'tè temps ique. Y'ètôt point d' la roupie d' sansonnet!
El en r'veniôt point, le ptiot gars d'aveu san micro-esquimau. E grebillôt d' frè, è crayôt qu' le Monde allôt meuri. El avôt jèmè vu autin d'noge cheudre in èn' nê, in doubi-e dècimétr', y'è point ran!
J' crê bin qu'è ça ensauvé pou s'méttre à l'èvri sô in grous èderdon, in ètindant l' dèjal!